Бишкек-Кара-Балта жолун оңдоого байланыштуу айрым көчөлөр 10 күнгө жабылат

Бишкек-Кара-Балта унаа жолун оңдоп түзөөгө байланыштуу День Сяопин жана Барпы Алыкулов көчө кесилиштери жабылат. Бул тууралуу кайгуул кызматынын маалыматына таянып "Барометр" билдирет.

Маалым болгондой, 15-августтан тартып, 24-августка чейин  Бишкек-Кара-Балта унаа жолун оңдоп түзөөгө байланыштуу День Сяопин көчөсүнүн Кустанайский көчөсүнөн тартып, Ключевая көчөсүнө чейинки бөлүгү убактылуу 10 күнгө жабылат. 

"Ошондой эле, Барпы Алыкулов көчөсүеүн День Сяопин көчөсүнүн кесилишкен жеринен тартып, Белогородский көчөсүнө чейинки бөлүгү жабык болот.

Жогорудагы чектөөлөрдү эске алып, кайгуул кызматы айдоочулардан жолдо жүрүү учурунда маршурттук жолду алдын ала пландоо менен кошумча альтернативдик жолдор менен жүрүп турууну өтүнөт", -деп айтылат маалыматта. 

Милициянын кайгуул кызматынын басма сөз кызматы.