Биринчи болуп Кыргызстанга Армениянын өкмөт башчысы Никол Пашинян келди

Евразиялык экономикалык биримдиктин өкмөт башчыларынын жыйынына биринчи болуп Армениянын премьер-министри Никол Пашинян келди. Бул тууралуу “Барометр” маалымдайт.

Никол Пашинян Евразиялык өкмөттөр аралык кеңештин кезектеги жыйынына катышат. Ал Тамчы айылында жайгашкан Ысык-Көл аэропортуна учуп келген биринчи премьер-министр болду.

Мындан тышкары Кыргызстанга Евразиялык экономикалык комиссиянын төрагасы Михаил Мясникович башында турган делегация учуп келди. Ал учурда кыргыз-россия бизнес-форуман катышып жатат.

Эскерте кетсек, 19-20-августта Чолпон-Ата шаарында Евразиялык өкмөттөр аралык кеңештин кезектеги жыйын өтөт.