Бүгүн Айсулуу Тыныбекова Азия чемпионатында беттешке чыгат

Казакстандын Алматы шаарында өтүп жаткан күрөш боюнча Азия чемпионатында Айсулуу Тыныбекова бүгүн, 16-апрелде килемге чыгат.

Маалым болгондой, бүгүн, 16-апрелде 5 медалдар топтому ойнотулат.

Тактап айтканда, аялдар арасында эркин күрөш боюнча Азиянын чемпиондору аныкталат. Кыргызстандан эки спортчу - Назира Марсбек кызы жана Айсулуу Тыныбекова килемге чыгышат.

Беттеш бүгүн, 16-апрелде Бишкек убактысы боюнча саат 11:00дө башталат.

Эске сала кетсек, кече, 15-апрелде Алматы шаарында өткөн Азия чемпионатында 68 килограмм салмакта күч сынашкан Мээрим Жуманазарова финалда монголиялык балбан кызды жеңип, алтын медалга ээ болгон.

Сыйлык тапшыруу аземинде өлкөбүздүн гимни жаңырганда Мээрим Жуманазарова кубанычтан көзүнө жаш алган.