Бүгүн, 10-сентябрда ырчы Нурлан Насип 30 жашка чыкты. Учурда туулган күнүн белгилеп жатат (видео)

Бүгүн, 10-сентябрда ырчы Нурлан Насип 30 жашка чыкты. Ырчы учурда туулган күнүн ата-энеси жана бир туугандары менен белгилеп жатат. Бул тууралуу Нурландын соц тармакка жарыялаган билдирүүсүнө таянып «Барометр» билдирет.

Нурлан Насиптинтин туулган күнүндө бир туугандары блектерин алып келип, жакшы каало-тилектери менен куттукташты. Ага утурлай эле, ырчыны кесиптештери, достору, туугандары да куттуктап жатышат.

Нурлан Насип Токтогул районунундагы Терек-Суу айылында 1990-жылы 10-сентябрда жарык дүйнөгө келген. 1997-жылы өзү туулуп-өскөн айылдагы Курама уулу Турусбек орто мектебинде билим алган. Мектепти аяктаган соң Мураталы Күрөңкеев атындагы музыкалык окуу жайдын салттык аспаптар бөлүмүнө кирип, аны 2010-жылы бүтүргөн. Нурлан беш бир туугандын төртүнчүсү, эки эжеси, бир байкеси жана бир карындашы бар.

 Алгач сахнага 2008-жылы «Жаным» аттуу ыры менен чыккан. Өзүнүн алгачкы жеке концертин 2011-жылы элге тартуулап, 2012, 2013, 2014-жылдары "жылдын эң мыкты ырчысы" наамына ээ болгон.

Ырчыны «Барометрдин» жалпы жамааты туулган күнү менен куттуктап, чыгармачылыгына ийгилик каалайт.