"Беттешчү жер жакында аныкталат". Тажик мушкери Дастан Шаршеевге жооп берди.

Тажикстандык мушкер Умед Музофирбеков кыргызстандык мушкер Дастан Шаршеевге жооп берди. Бул тууралуу “Барометр” билдирет.

"Алейкум ассаламу, Дастан. Мен кайсы убакыт болбосун даярмын. Жакында экөөбүздүн беттешчү жерибиз аныкталат жана экөөбүз беттешебиз. Бул маселени чечебиз", - деген тажик мушкери Умед Музофирбеков.

Эске сала кетсек, кыргыз мушкери Дастан Шаршеев беттешке чакырып коюп тынчып калган тажикстандык мушкер Умед Музофирбековдон беттештин качан болорун сурап, кайрылуу жасаган эле.

18-майда Дастан Шаршеев тажикстандык мушкер беттешке чакырганын айтып, аны менен беттешүүгө даяр экенин билдирген.