Баткенде өспүрүм балага кутурган ит кол салды

Кечээ, 12-октябрда Баткенде 8 жаштагы баланы кутурган ит тиштегилеп салган. Бул тууралуу Саламаттыкты сактоо министрлигинен билдиришти.

Маалым болгондой,  медициналык кароодон кийин анын башы, моюну, бети тиштелгени, мындан улам баш мээсинен катуу жаракат алганы аныкталган. Бала ооруканага эс-учун жоготуп түшкөн.  Ага алгачкы хирургиялык операция жана эмдөө жасалды.

 Учурда бала жандандыруу бөлүмүндө абалы оор деп бааланууда.