Баткенде ооруканадан качкан бейтап коронавирустан каза болду

Баткенде коронавирус менен ооруп жаткан бейтап ооруканадан качып кетип каза болду. Бул тууралуу Баткен ОИИБнин басма сөз кызматына таянып “Барометр” билдирет.

Маалыматка ылайык, Баткен облусттук бириккен ооруканасынан 6-июлдан 7-июлга караган түнү качып кеткен бейтап 1964 жылы туулган Б.Ш. аттуу жаран болгон. Ал оорунун кесепетинен 8-июлда каза болду.

Ооруканадан качып кеткен бейтапты издеп дарыгерлер жана милиция кызматы анын үйүнө издеп барышкан. Бейтап дарылануудан баш тартып, анын үй-бүлөсү обочолонгон.

«Б.Ш. атту жаран облустук оорукананын жугуштуу оорулар бөлүмөнүн качып кеткен. Маркум 2-июлда Бишкектен келген жана анын анализинен коронавирус аныкталган. Ошол эле күнү ооруканага жаткырылган, ал эми 7-июль түнү өзгөчө абал режимин бузуп, илдеттен толук айыкпастан качып кеткен. Факт Баткен шаардык ИИБне Кылмыштардын жана жоруктардын бирдиктүү реестрине 127-1 беренеси боюнча катталган», — деп айтылат маалыматта.