Баткенде электр зымынын чыңалуусунан 1500 түк чөп күйдү (Сүрөт)

Баткенде 1500 түк чөп өрттөнүп кетти. Бул тууралуу ӨКМдин басма сөз кызматына шилтеме берип "Барометр" билдирет. 

Кечээ, 24-июлда саат 21:53тө Баткен шаарындагы С.Садыков көчөсүндө өрт чыккандыгы тууралуу маалымат түшкөн. Жеринде жыгач устундуу шифер жабылган сарайдын 720 ч.м. чатыры жана 1500 түк чөп күйгөнү маалым болду.

Өрттүн себеби электр зымдарынын кыска чыңалуусу болгону айтылды. 

Тилсиз жоону өчүрүүгө ӨКМдин  2 бөлүмү тартылган. Кырсыктан адам өмүрүнө зыян келген жок.