Баласын сабаган эргулдун аялы көзүнө жаш алып элден кечирим сурады - видео

Баласын айтканымды жасабайсың деп баласын сабаган эркек киши Москвада аялы менен чогуу көчө шыпыргыч болуп иштей турганы аныкталды.Бул тууралуу КМШга мүчө мамлекеттердин аймагында уюшкан кылмыштуулук менен күрөшүүнү координациялоо боюнча Кыргызстандын атынан директордун орун басары Аскат Алиев билдирди.

"Эртеден бери Кыргызстандыктар баары атасы баласын сабаган видеону талкуулап , корона вирусту унутуп катуу резонанс жаратты. Болгон окуяны биздин министр Кашкар Астаханович жеке көзөмөлүнө алды. Видеодогу жарандын ким экени такталып, Москва полициясы менен биргеликте иш-чараларды жүргүзүп, териштирүү иштери башталды. Кармалган Эмилбек аттуу жаран беш жылдан бери Москвада үй-бүлөсү менен жашайт экен, 3 баласы бар. Аялы экөө дворник болуп эмгектенгенин айтышты. 

Азыркы күндө аялынын 5 айлык боюнда бар экен. Айтайын дегеним эртеден бери коомчулук "камаш керек", "сабаш керек", "антип минтип ийиш керек", "өзүнүн баласын сабап тарбиялап койсо эмне болмок" эле деп ар кандай ойлорду айтып жатышат. Мага телефон аркылуу кайрылуулар да болуп жатат, "камабай эле койгула", "камап жазасын бергиле" деп ар ким ойлорун айтып жатышат. Чынында үйүнө барып жашоосун көрдүк, мышык ыйлачу эле ахывалда экен... 

Аялы көзүнүн жашын көлдөтүп, "күйөөм камалып кетсе 3 баламды ким багат, төртүнчүсүн төрөгөнү жатам" дейт. Ушул жерден сурамжылоо кылып элдин ою кандай экенин билгим келди. Сабалган баланын атасы камалып 4-5 жыл эркинен ажыратылганы туурабы же эскертүү берип кое берилгени туурабы?!" - деп Алиев суроо салды.