“Азия Молл” соода борбору курчалып, адамдар эвакуацияланууда

“Азия Молл” соода борбору курчалып, адамдар эвакуацияланууда. Бул тууралуу Ленин РИИБдин маалыматына шилтеме берип “Барометр” билдирет. 

Маалым болгондой, бүгүн, 29-май күнү саат 10:05 чамасында “102” кызматына “Азия Молл” соода борборунда бомба коюлгандыгы тууралуу чакыруу түшкөн. 

“Бул факты боюнча Бишкек шаарынын Ленин райондук ички иштер башкармалыгынын тергөө-ыкчам тобу дароо чыгып кеткен.

Учурда соода борборунун жанаша жайгашкан аймагы милиция кызматкерлери тарабынан курчоого алынды, соода борборунун кызматкерлери жана кардарлары эвакуацияланды. Маалыматты тактоо боюнча зарыл иштер жүргүзүлүүдө”, -деп айтылат маалыматта.