"Бишкектеплосеть" шаардыктарга убактылуу жылуулукту өчүргөнүн кабарлады

Бишкектеги жылуулук электр борборундагы авариядан улам "Бишкектеплосет" ААК керектөөчүлөргө  жылуулук берүүнү токтотту. Бул тууралуу аталган  ишкананын басма сөз кызматына шилтеме берип ”Барометр” билдирет.

«Бишкек ЖЭБиндеги авариялык абалга жана ишкананын насостук станцияларындагы электр энергиясынын өчүрүлүшүнө байланыштуу, Бишкек шаарынын керектөөчүлөрүнө жылуулук берүү токтотулду.

Ысык суу жана жылуулук тармагындагы суроолор боюнча 1980 же 0312 611169 номурларына чалсаңыз болот.

"Бишкектеплосет" ААК келтирилген ыңгайсыздыктар үчүн кечирим сурайт", - деп айтылат билдирүүдө.