Атамбаевдин кеңешчиси Икрамжан Илмиянов жети жылга камалды

Мурдагы президент Алмазбек Атамбаевдин “шоопуру”, кеңешчиси Икрамжан Илмиянов жети жылга эркинен ажыратылды.

Мындай өкүмдү Бишкектин Октябрь райондук соту бүгүн чыгарды. Сот аны Жазык кодексинин 204 - «Өзгөчө ири өлчөмдө жасалган алдамчылык» беренесинин 3-бөлүмү менен күнөөлүү деп тапты.

Муну менен катар анын үй-мүлкү конфискацияланып, 1600 эсептик көрсөткүчтө айыппул салынды.

Сотто акыркы сөзүн сүйлөгөн Икрамжан Илмиянов тагылган айыптардын бири да далилденбегенин айтып, акыйкат чечим чыгарууну өтүнгөн.