Ашууларда унаалардын бардык түрүнүн кыймылына убактылуу чектөө коюлду

Бүгүн саат  9.00дөн тартып Төө-Ашуу, Ала-Бел жана Өтмөк ашууларында кардын калың жаап жатышынан жана бороондон улам унаалардын баардык түрүнүн кыймылына убактылуу чектөө коюлду. Бул тууралуу Ички иштер министрлигинин Жол кыймылынынын коопсуздугун камсыздоо башкы башкармалыгынын басма сөз кызматына таянуу менен “Барометр” кабарлайт.

Ашууларды жолду көрүү мүмкүн болбой жатат.

Жалал-Абад областындагы Чычкан постунун жанында унаанын баардык түрлөрүнүн кыймылы убактылуу жабылды, Чүй областындагы Сосновка айылы тараптан жана Талас областынын Осмонкулов айылынын жанында жүк унааларынын кыймылы токтотулду.

Суусамыр өрөөнүндөгү жолго жана ашууларга инерттүү материалдар чачылып, жолдор тазаланууда.

Кыймыл жол тазалоо иштери бүткөндөн кийин ачылат.