Артем Новиков: Соцтармактагы баракчамды өзүм алып барам. Сиздерден сунуштарды күтөм

Кыргыз Республикасынын премьер-министринин милдетин аткаруучу Артем Новиков соцтармак аркылуу ар дайым эл менен байланышта болуп турууга убада берди. Бул тууралуу анын соцтармактагы расмий баракчасына жазылган маалыматка таянып “Барометр” билдирет.

“Соцтармактагы баракчамды өзүм алып барам, бирок, убакыттын тартыштыгына байланыштуу көп кире албай жатам. Жеке баракчама келип түшкөн каттарды кезеги менен сөзсүз түрдө карайбыз.

Ошону менен катары эле, учурда маалыматтын агымы соцтармак аркылуу болуп жаткандыктан башка саясатчылардай эле мен да сиздерге жасаган иштерибиз жана пландарыбыз тууралуу ушул жактан бөлүшүп турамын.

Анан да, түз эфир аркылуу сиздер менен баарлашып, өлкөбүздө болуп жаткан көйгөйлөрдү бирге чечүүгө чакырам. Ошону менен катары эле, өкмөткө жеткире албай жаткан сунуштарыңыздар болсо менин жеке баракчама жөнөтсөңүздөр болот”, - деди Новиков.