Ар бир үй газга кошулат. Бишкектин бир нече жаңы конуштарына газ киргизилип жатат

Бишкектин Октябрь районундагы Төкөлдөш конушу жаратылыш газына кошулууда. Бул тууралуу мэриянын маалыматына шилтеме берип “Барометр” билдирет. 

Бүгүнкү күндө,  Октябрь району боюнча Төкөлдөш, Көк-Жар, Кара-Жыгач, Алтын-Ордо жана Рухий-Мурас конуштарындагы 7 808 турак жайдын ичинен 4 363 турак жай жаратылыш газына кошулуду, бул  56%ды түздү.

“Белгилей кетсек, акимчиликтин кызматкерлери  №6 МАБ,  кварталдык комитеттер менен биргеликте жер-жерлерде курулуш-монтаждоо иштеринин баалары жана газ бөлүштүрүүчү тармактарга кошулуу боюнча калк арасында түшүндүрүү иштерин жүргүзүүдө.

Урматтуу шаар тургундары, абанын булганышын кыйла азайтуу максатында жылуулуктун альтернативдик түрүнө өтүүнү сунуштайбыз”, -деп айтылат маалыматта.