Анжелика Дурдана Салыкованы “Kids Star” тобуна алды

Эстрада жылдызы Анжелка Кайратова Бишкектин №87 орто мектебинин 5-классынын окуучусу Дурдана Салыкованы өзү жетектеген “Kids Star” кыздардан турган тобуна алды.

Кечээ 5 декабрда Бишкекте Анжеликанын “Бактылуу айым” реалити долбоорунун кайрымдуулук концерти болду. Ал концертке Анжелика мүмкүнчүлүгү чектелген балдарды ата-энелери менен чакырып, жаркын маанай тартуулады.

Майрамдык кечесине конок катары Дүрдана Салыкова да келген.

Эске салсак, кичинекей Дүрдана Жогорку Кеңештин депутаттары менен мектеп окуучуларынын жолгушуусунда мектептеги медайым боюнча көйгөйдү ачык айтып чыккан.