Анжелика апасынын туулган күнүнө темир тулпар белек кылды (Сүрөт)

Анжелика апасынын туулган күнүнө акыркы үлгүдөгү темир тулпар белек кылды. Бул тууралуу анын социалдык тармактагы баракчасына шилтеме берип “Барометр” билдирет.

“Таманыңыздан өөп, болгон жакшылыгымды сиз үчүн арнай берем. Дүйнөдөгү эң сулуу, эң бактылуу айымым”, - деп жазган ал.

Кечээ, 6-августта ырчы Анжеликанын апасы туулган күнүн белгиледи. Анда ырчы айым бир тууган инилери менен апасы кыялданган унааны белек кылышты.

“Колубуздан келген жакшылыгыбызды ата-энелерибизге тартуулап жүрө берели. Көптөн бери апама деп топтогон акчага инилерим Мырза жана Марлен үчөөбүздүн атыбыздан, апам жактырып жүргөн унаасын белек кылдык”, - деп кошумчалады Анжелика.