Алып баруучу Салтанат Саматованы акыркы сапарга узатуу зыйнаты 16-августта КТРКнын имаратында өтөт

Алып баруучу, ди-джей, КРнын маданиятына эмгек сиңирген кызматкер  Салтанат Саматованы акыркы сапарга узатуу зыйнаты эртең 16-августта КТРКнын имаратында өтөт. Маркум 15-августка караган түнү 46 жаш курагында, рак илдетинен улам көз жумду. 

Салтанат Саматова 1972-жылы 1-мартта Фрунзе шаарында төрөлгөн. Мукаш Абдраев атындагы музыкалык мектебинде окуган. Ишеналы Арабаев атындагы кыргыз мамлекеттик университетинин музыкалык факультетин аяктаган. Эмгек жолун Кыргыз радиосунда иштеп баштап, 1996-2002-жылдары  "Европа плюс" радиосунун алып баруучу болуп эмгектенген. Кийинчерээк КТРКнын "Акыл ордо" телеберүүсүнүн алып барып жана тамадалык дагы өнөрдү аркалап жүргөн. 

Артында жолдошу, бир уул жана бир кызы калды.