Алымкадыр Бейшеналиев: Эки аптадан кийин коронавирустун үчүнчү толкуну басаңдайт

Кыргызстан COVID-19дун үчүнчү толкунунун туу чокусуна жетти. Бул тууралуу парламенттин бюджет жана каржы боюнча комитетинин жыйынында Саламаттыкты сактоо жана социалдык өнүгүү министри Алымкадыр Бейшеналиев билдиргенин “Барометр” маалымдайт.

Анын айтымында, ал үч ай мурда эле июль айында коронавирустун үчүнчү толкуну боло турганын эскерткенин айтат.

Бейшеналиев эки аптадан соң үчүнчү толкун басаңдай баштайт деп эсептейт.

Министр кыргызстандыктарды эмделүүгө жана мурдагыдай эле жеке коопсуздук чараларын сактоого чакырып өттү.