Ала-Арча суу сактагычына түшүп кетип 19 жаштагы жигит каза болду

Бишкекте Ала-Арча суу сактагычына түшүп кеткен 19 жаштагы жигиттин сөөгү табылды. Бул тууралуу ӨКМнын маалымат кызматына шилтеме берип "Барометр" билдирет.

Такталган маалыматка ылайык, 26-июнда Бишкек шаарынын Аламүдүн районуна караштуу Калыс-Ордо конушунда “Ала-Арча” суу сактагычына 19 жаштагы М. у Б. аттуу жигит түшүп кеткендиги тууралуу маалымат 102 кызматынан түшкөн.

"Бүгүн, 27-июнда, жерине издөө-иштерин жүргүзүү үчүн саат 10:05те Өзгөчө кырдаалдар министрлигинин Бишкек шаардык Куткаруу кызматынан 6 суучул куткаруучу тартылган.

Издөөнүн натыйжасында сууга чөгүп кеткен жарандын сөөгүн чыгарып, ИИМ кызматкерлерине өткөрүп беришкен", -деп айтылат маалыматта.