Айсулуу Тыныбековага ийгилик каалап коюңуз. Ал Варшавага мелдешке жөнөп кетти

Эркин күрөш боюнча дүйнө чемпиону Айсулуу Тыныбекова Варшавага аялдар күрөшү боюнча эл аралык турнирге жөнөп кетти. Бул тууралуу балбан кыз өзүнүн соцтармактагы баракчасы аркылуу билдирди.

“Коронавируска байланыштуу ортодогу узак мөөнөттүү тыныгуудан кийин кайрадан күрөш боюнча турнирге катышуу үчүн Варшавага жөнөдүк. Азыр аман-эсен Стамбулга келип алдык.

Аялдар күрөшү боюнча Poland Open эл аралык турнирине бара жатабыз. Убакыттын тардыгына байланыштуу дароо жетерибиз менен күрөшөм.

Баары жакшы! Болгону Кыргызстандан чет жерге чыгуу абдан оор болуп калыптыр. Аэропорттон чыгууда көп кыйынчылыктар болду. Ооба, азыр вирус учурунда чектөөлөргө баш ийип, тартипти баарыбыз сакташыбыз керек.

 Турнирден кийин атайын машыгууларыбызды Польшада улантабыз”, - деп жазган Тыныбекова