Айсулуу Тыныбекованын ийгиликтерине чоң салым кошкон дагы бир инсан менен таанышып алыңыздар

Эркин күрөш боюнча дүйнөнүн эки жолку чемпиону Айсулуу Тыныбекова машыктыруучусу Нурбек Изабековду машыктырган спорт чеберин коомчулукка тааныштырып өттү. Бул тууралуу Тыныбекованын соцтармактагы баракчасына жазылган маалыматка шилтеме берип “Барометр” билдирет.

“Сүрөттө менин Жеңиш агайым! Менин машыктыруучум Нурбек Изабековду жаш кезинде машыктырган спорт чебери. Тагыраак айтканда, күрөш үй бүлөсүндөгү менин чоң атам!

Бул сүрөттү биринчи жолу чыгарып жатам.

Мен көрсөткөн күрөштүн дээрлик бардык пайызы ушул агайымдын үйрөткөн ыкмалары менен түзүлгөн.

Көп жашаңыз Жеңиш агай! Сизди уят кылбаганга аракет жасайбыз! Жакындарыңыз менен аманчылыкта болуңуз”, - деген билдирүү калтырды.