Айсулуу Тыныбекова финалга чыкты. Жыйынтык чыгарына аз кады. Добуш берип коюңуздар

Эркин күрөш боюнча кыз-келиндер арасында дүйнө чемпиону Айсулуу Тыныбекова Бириккен күрөш дүйнөсү уюштурган онлайн чемпионатта финалга өттү. Бул тууралуу Тыныбековнанын соцтармактагы баракчасында жазызган маалыматка таянып “Барометр” билдирет.

“Урматтуу элим!

Дээрлик 8 сааттан кийин жыйынтык чыгат.

Индиялык спортчу активдүү түрдө кубалап келе жатат. Арабыз улам кыскарууда.

Кыргыз элим, колдооңуздар үчүн ийилип таазим кылам!

Учурда инстаграмм социалдык тармагындагы UWW баракчасында болуп жаткан мелдеште мени колдоп коюңуздар.

Урматым менен, Айсулуу Тыныбекова!”, - деп жазды.

Эскерте кетсек, эркин күрөш боюнча дүйнө чемпиону, Кыргызстандын сыймыгы Айсулуу Тыныбекова United World Wrestling (Бириккен күрөш дүйнөсү) уюштурган онлайн чемпионатка катышууда.

United World Wrestling  инстаграмм социалдык тармагындагы колдонуучулар арасында сурамжылоо жүргүзүп жатат. Андан соң,  добуш берүүнүн жыйынтыгы менен эң мыкты балбандарды аныктайт.

Кыргыздын сыймыгы, балбан кызыбызды колдоп, ар бир Кыргызстандыкты добуш берүүгө чакырабыз. Ал үчүн болгону, төмөндө көрсөтүлгөн атайын шилтеме аркылуу инстаграммдын сторис бөлүмүнө кирип, добуш берүүгө болот.