Айдоочу сүзүп кеткен жол инспекторунун абалы оор

Жол кырсыгында жабыркаган тартип сакчысынын абалы оор. Бул тууралуу  Жол кыймылынын коопсуздугун камсыздоо башкы башкармалыгынан билдиришти.

Маалым болгондой,  дарыгерлер ага «баш-мээсинен жабык жаракат алган жана жумшак ткандары жабыркаган» деген болжолдуу диагноз коюшту. Ал өз алдынча кыймылдай албайт. Дарыгерлер анын абалын оор экенин айтышууда.  

Белгилей кетсек, кечээ  1-октябрда Бишкек шаарында жол инспектору Марат Султаналиев жолдон өтүп бара жаткан  окуучуларды жолдон өткөрүүгө аракет кылып жаткан учурда кичи автобустун айдоочусу аны  коюп кеткен. Ал учурда оорканада.