Аида Касымалиева Кыргызстандын БУУдагы атайын өкүлү болот

Жогорку Кеңештин вице-спикер Аида Касымалиева Бириккен улуттар уюмунун Нью-Йорк шаарындагы Кыргызстандын расмий өкүлү болот. Бул тууралуу ЖМК булактарына таянуу менен “Барометр” маалымдайт.

Касымалиеванн талапкерлигин парламенттин эл аралык иштер, коргоо жана коопсуздук боюнча комитети жактырды.

Кечээ вице-спикер алдыда боло турган шайлоого катышпай турганын маалымдаган эле.

Эскерте кетсек, Аида Касымалиева пардаментке 2017-жылы КСДП партиясынын тизмеси менен шайланган. 2018-жылдын 26-декабрында  Жогорку Кеңештин вице-спикери болуп шайланган. Эмгек жолун “Азаттык” радиосунда журналист болуу менен баштаган.