4-6-ноябрда тоолордо -26 градуска чейин суук болуп, кар жаайт

4-ноябрда жана 5-ноябрда түнкүсүн аба ырайынын кескин өзгөрүшү күтүлүп жатат. Бул тууралуу Кыргызгидромет кызматы кабарлаганын “Барометр” билдирет.

4-ноябрда көп аймактарда жаан-чачын жаап, жаандын арты карга айланат. Тоо этектеринде жана тоолуу райондордо кар калың жаайт. Жолдор тайгак болот. Батыштан соккон шамалдын ылдамдыгы секундасына 15-20 метрге жетет.

4-6-ноябрда абанын температурасы кескин төмөндөйт:

- Чүй өрөөнүндө түнкүсүн -5…-10 градус, күндүз  -2…-7° градуска чейин суук болот.

-Талас областында түнкүсүн -6…-11°, күндүз -3…-8° градус суук болот.

-Ош, Жалал-Абад, Баткен областтарында түнкүсүн -1…-6° градус, күндүз 0…5° градус суук болот.

- Ысык-Көл областында -6…-11°, күндүз -1…-6° градус, 

-Нарын областында түнкүсүн -10…-15°, күндүз -2…-7° градус суук болот.

-Тоолуу райондордо -21…-26°, күндүз -10…-15° градус суук болмокчу.