21-майга карата аба ырайы. Бишкекте жаан жаабайт

21-майда Ош, Баткен облустарынын көпчүлүк аймактарында, Жалал-Абад, Ысык-Көл, Нарын облустарынын кээ бир райондорунда, Чүй, Талас облустарынын тоолорунда жаан жаап, күн күркүрөйт. Бул тууралуу "Кыргызгидромет” борборуна шилтеме кылып “Барометр” билдирет.

Бул тоолуу райондордо жолдор тайгак болот. Батыш тараптан келген шамалдын ылдамдыгы секундасына 4-9 метрге, кээ бир райондордо 15-20 метрге жетет.

Абанын температурасы:  

Чүй облусунда +22… +27°;

Талас облусунда +21… +26°;

Ош, Баткен, Жалал-Абад облустарында +26… +31°;

Ысык-Көл облусунда +18… +23°;

Нарын облусунда +16… +21°;

Бишкекте жамгыр жаабайт. Абанын температурасы  +25… +27° градус болот.