2-июнда Кыргызстанда мезгил-мезгили менен жаан жаашы мүмкүн

2-июнда Талас, Ысык-Көл, Нарын облустарынын кээ бир райондорунда, Чүй, Ош, Жалал-Абад облустарынын тоолорунда өткүн өтүп, күн күркүрөшү, бийик тоолордо кар жаашы мүмкүн. Чүй, Ош, Жалал-Абад жана Баткен облусунда жаан-чачын жаабайт. Бул тууралуу "Кыргызгидромет” борборуна шилтеме кылып “Барометр” билдирет.

Батыш тараптан соккон шамалдын ылдамдыгы секундасына 4-9 метрге жетет.

Абанын температурасы:

Чүй облусунда +30… +35°;

Талас облусунда +29… +34°;

Баткен, Ош, Жалал-Абад облустарында +32… +37°;

Ысык-Көл облусунда +22… +27°;

Нарын облусунда +20… +25°;

Бишкекте жаан-чачын жаабайт. Абанын температурасы +33… +35° болот.