19 жаштагы израилдик модель дүйнөнүн эң сулуу айымы деп табылды

Израилдик модель Яэль Шелбиа дүйнөдөгү эң сулуу айым деп табылды. Бул тууралуу  TC Candler YouTube каналына жарыяланган тизмеге шилтеме берип “Барометр” билдирет.

2020-жылдын эң сулуу адамдардын рейтингин көз карандысыз сулуулук сынчылары TC Candler түзгөн. 1990-жылдан бери жыл сайын портал дүйнөдөгү эң сулуу аялдар менен эркектердин тизмесин түзүп келет.

Бул жылы дүйнөдөгү эң сулуу айымдардын арасынан биринчи ордун израилдик модель жана актриса Яэль Шелбиа ээледи.

Яэль Шелбиа 2001-жылы 31-августта Нагарияда төрөлүп, өтө жөнөкөй жана динди карманган үй-бүлөдө чоңойгон. Бирок, бул анын модельдик бизнесинде ийгиликтүү карьерасын курууга тоскоол болгон жок. Ал көптөгөн белгилүү журналдардын жүзү болуп келет.