17-мартта Кыргызстанда жаан, кар жаайт

17-мартта Ош, Баткен, Ысык-Көл, Нарын облустарынын көпчүлүк аймактарында, Чүй, Жалал-Абад облустарынын кээ бир райондорунда жаан, кар жаашы күтүлөт. Бул тууралуу “Кыргызгидромет” борбору берген маалыматка таянып “Барометр” билдирет.

Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, Ысык-Көл облусунун кээ бир райондорунда 15-20 метрге жетет.

Абанын температурасы:

Чүй облусунда -2…+3°;

Талас облусунда -2…+3°;

Баткен облусунда +1…+6°;

Ош жана Жалал-Абад облустарында +1…+6°;

Ысык-Көл облусунда 0…+5°;

Нарын облусунда -2…+3°;

Бишкекте 17-мартта жаан-чачын болбойт. Абанын температурасы +1…+3° чейин жылыйт.