Ат-Башыда коронавирус менен ооруган акыркы жаран айыгып, үйүнө чыгарылды

Бүгүнкү күндө Ат-Башы райондук ооруканасында коронавирус илдети менен ооруган бир дагы бейтап жок жок экенин райондун акими Нурбек Сатаров билдирди.

“22-майда акыркы бейтап айыгып үйүнө чыгарылды. Мен жалпы жергиликтүү элге терең ыраазычылык билдирип кетем. Карантин убагында жалпы эл кырдаалды түшүнүү менен кабыл алып, санитардык-карантиндик талаптарды жакшы сактап жатышат”, - деди ал.

Эске салсак, 23-майга карата Кыргызстан боюнча 1365 кишиге жетип, 957 киши оорудан айыкты.