Казакстандын тунгуч президенти Нурсултан Назарбаев коронавирустан айыкты

Казакстандын тунгуч президенти Нурсултан Назарбаев коронавирустан айыкты. Бул тууралуу анын расмий сайтына таянып «Барометр» билдирет.

Эскерте кетсек, Назарбаев коронавирусту 18-июнда жуктурганы айтылган. Оорусу симптомсуз өтүп, обочолонуу менен аралыктан иштеп баштаган.

“Дарыгерлердин күчү жана алардын айткан көрсөтмөлөрүн кынтыксыз аткарып, ошондой эле колдоо жана жылуу сөздөрдүн жардамы менен мен бул дартты жеңдим. Өзүмдү жакшы сезип жатам, толук кандуу жумушума кириштим”, — деп билдирди ал.

Эл башы ошондой эле коронавирус жайылып жаткандыгына байланыштуу казак элин коргонуу эрежелерин так сактоого чакырып өттү.

Белгилей кетсек, бүгүнкү алынган маалыматка караганда, коңшу Казакстанда коронавирустун 42 574 учуру катталды (жаңы 1 509), 14 415 бейтап айыгып, 188 адам мерт кетти.