Казакстандык жаран 2002-жылдан бери Кыргызстандан кете албай жүргөн

Экстремизмге каршы аракеттенүү жана мыйзамсыз миграция кызматы менен Кемин райондук ички иштер бөлүмүнүн коомдук коопсуздук кызматынын кызматкерлери биргелешип “Кайырчы” деп аталган профилактикалык иш-чараны өткөрүштү.Бул тууралуу Чүй областтык ички иштер башкармалыгынын басма сөз кызматынан кабарлашканын “Барометр” билдирет.

Аталган кабарга таянсак, 4-ноябрда рейд маалында милициялар жаш курагы 55-60 чамасындагы эркек кишининин өздүк документтери жок экенин аныкташкан. Ал укук коргоо кызматкерлерине Казакстандын 62 жаштагы жараны И.А. экенин айтып берген. Анын айтымында, ал 2002-жылы Кемин районундагы Бообек айылы аркылуу чек араны мыйзамсыз кесип өтүп Кыргызстанга жумуш издеп келген. Ошондон бери Кыргызстанда документи жок жашап жүрөт.

Бул тууралуу материалдар Улуттук коопсуздук мамлекеттик комитетине жөнөтүлдү.