Казакстандагы жол кырсыктан кыргызстандык айдоочу, үч жүргүнчү каза болду

Самара — Шымкент жолунда адам өмүрүн алган жол кырсыгы болгонун zakon.kz басылмасы жазды.

Ага ылайык, окуя 16-январда болгон. Lada-21070 үлгүсүндөгү автоунаасын айдап бараткан Кыргызстандын жараны аба ырайынын катаалдыгын эске албастан тайгак жолдо каршы тилкеге чыгып кеткен. Ал Chevrolet Cruze автоунаасы менен кагышкан.

Анын кесепетинен Lada-21070 машинасынын айдоочусу үч жүргүнчү менен кошо окуя болгон жерден каза болгон. Бир жүргүнчү Иргиз районунун борбордук ооруканасына жеткирилген.

Учурда тергөө амалдары жүрүп жатат.