Кабыргаларын сындырган. Аялын өлтүрүүгө шектелген жаран кармалды

Чүй районунда киши өлтүрүүгө шектүү жаран кармалды.Бул тууралуу бүгүн, 28-июнда Чүй областтык ички иштер башкармалыгынын басма сөз кызматынан кабарлашканын “Барометр” билдирет.

Болжол менен түнкү саат 12 жарым чамасында милицияга Чүй областынын Чүй айылында аялдын сөөгү табылганы тууралуу маалымат түшкөн.

Окуя болгон жерге барган милиция кызматкерлери каза тапкан аял 1958-жылы туулган Т.С., экенин аныкташты.

Анын сөөгүн ошол күнү ата-энесине учурашууга үйүнө барган уулу тапкан. Денени караган учурда аял өз ажалынан эмес бир нече кабыргасы сынып жаракат алгандан улам көз жумганы аныкталды.

Киши өлтүрүү фактысы боюнча каза тапкан аялдын күйөөсү, 1957-жылы туулган Т.А.,кармалды.

Иликтөө иштери башталды.