ГЭС-2 айылында газ түтүкчөсү жарылып, 13 жашар бала каза болду (сүрөт)

Бишкек шаарында турак үйдө жарылуу болуп, бир адам каза болду. Бул тууралуу ӨКМнин маалымат кызматына шилтеме берип "Барометр" билдирет. 

Маалым болгондой, бүгүн 11-февраль күнү 15:00 дөр чамасында Чүй облусунун Аламүдүн районундагы ГЭС-2 айылынын Гагарин көчөсүндө жайгашкан турак үйдөн жаратылыш газ түтүкчөсү жарылган. 

"Кырсыктын кесепетинен 2007-жылы туулган Д.Ж, аттуу эркек бала каза болуп, 1 эркек киши жабыркаган.  Жерине саат 15:00дө Бишкек шаардык башкармалыгынын Куткаруу кызматынан 5 куткаруучу, саат 15:05те Штаб жана Газ кызматынан 1 бригада тартылган. Куткаруучулар каза болгон жарандын жансыз денесин ИИМ кызматкерлерине өткөрүп беришкен. Ал эми жабыркаган жаранды өздүк унаасы менен ооруканага алып кеткен. Абалы канааттандырарлык", - деп айтылат маалымтта.