Илим Карыпбеков КТРКнын башчылыгына сынактан четтеди

КТРКнын башкы директору Илим Карыпбеков коомдук каналдын башчылыгына сынакка катышуудан баш тартты. Мындай чечимди ал өз ыктыяры менен кабыл алганын, ага эч ким тарабынан басым болбогонун Байкоочу кеңештин алдында бүгүн билдирди.

Байкоочу кеңеш ушу күндөрү Чехиядан жүргөн «Азаттыктын» кабарчысы Каарманбек Кулуевди бүгүн сынакка катыштыруудан баш тарткан болчу.  

КТРКнын баш директору болууга адегенде 22 киши ниетин билдирип, документтерди кабыл алууда эле 3 киши жарыштан четтетилген.