Элмирбек Иманалиев жана Гүлбү Орозкул кызынын кичүү кызы турмушка чыкты (Сүрөт)

Элмирбек Иманалиев жана Гүлбү Орозкул кызынын кичүү кызы Сезим Иманалиева турмушка чыкты. Бул тууралуу анын жакындарына шилтеме берип “Барометр” билдирет.

Маалыматка ылайык, кыз узатуу 8-август күнү Бишкектеги тойканалардын биринде, жакындарынын курчоосунда өттү.

Иманалиева жолдошу менен бирге жогорку окуу жайда окуган, аты Бексултан.

Ал эми жаңы куралып жаткан үй-бүлөнүн өкүл атасы ырчы Сыймык Бейшекеев болду.

Эскерте кетсек, ак таңдай акын, кыргыз эл артисти Элмирбек Иманалиев 20-апрелде 42 жашында дүйнө салды. Ал эми ырчы, “Кыз-жигит сармердендин” алып баруучусу Гүлбү Орозкул кызы 2017-жылдын 6-октябрь күнү көз жумган.