Эгиз түгөйүнүн паспорту менен чет өлкөгө чыгууга аракет кылган кыз кармалды

13-ноябрда “Чон-Капка-автодорожный” өткөрүү пунктунда башка паспорт менен кыргыз жараны Казакстанга өтүп кетүүгө аракет кылган. Текшерүү учурунда 1996-жылы туулган З.Р. кызы аттуу кыз суроолорго жооп берип жатып адашып, шек жараткан. Текшерүүдөн кийин 1996-жылы туулган Р кызы Ф. экендиги аныкталып, паспорт аныкы эместиги такталган. Жаран өзүнүн эгизинин паспортун колдонгондугун мойнуна алган. 

Бардык документтер такталгандан кийин, кызды аймактык УКМКнын кызматкерлерине өткөрүп беришкен.