Дүйнө боюнча 1,2 миллиондой киши коронавирустан айыкты

Соңку маалыматтар боюнча жер шарында 1 миллоин 198 миң 712 киши коронавирустан айыкты. Учурда бардыгы болуп 3,6 миллиондон ашык кишиге коронавирус жугуп, 256 489 киши өмүрү менен кош айтышты.

Ооруга чалдыккандар менен андан каза тапкандардын саны боюнча АКШ мурдагыдай эле биринчи орунда. 1,2 миллиондон ашык кишиге оору жугуп, 70,6 миң киши каза болду. Андан кийинки орунда Испания. 219 миң кишиден оору табалып, 25,6 миң киши өлдү. Алдыңкы үчтүктү Италия толуктайт, 213 миң кишиден илдет табылып, 29,3 миң киши о дүйнө салды.

Улуу Британия, Францияда каза болгондордун саны 30 миңге чукулдап калды.

Ошондой эле абал Германияда, Иранда, Түркияда жана Кытайда оор.