Депутат Карамат Орозова: "Атасы кыйналып убактылуу балдар үйүнө калтырып кеткен эгиз кыздарды, башка документ менен башка үй-бүлөгө сатып жиберишкен"

Бүгүнкү парламенттин отурумунда, депутат Карамат Орозова балдар үйүндөгү жоголгон эгиздер тууралуу үн катты. Депутатка Бишкек шаарынын, Дордой – 2 конушунун Шамурзаев аттуу  жашоочусу арыз менен кайрылган. 7 баласы бар, эң кичүү кыздары эгиз, жашоо шарттары начар болгондуктан, арыз ээси Орусияга иш издегени кетет. Эмгек жана социалдык өнүктүрүү министрлигинин сунушу менен, бул үй-бүлө үй алгычакты эгиз кыздарын балдар үйүнө таштоону сунушташат. Бирок, кийин атасы келип, кыздарын алайын десе кыздар балдар үйүндө жок. Мындай балдарды жакындарынын уруксаты жок башка  үй-бүлөгө берип жана саткандардын материалын толук бойдон прокуратурага өткөзүп берээрин билдирди.