Дагы эки депутаттан коронавирус аныкталды

Жогорку Кеңештин дагы эки депутатынан коронавирус табылды. Бул тууралуу Парламенттин маалымат кызматынын жетекчиси Ибраим Нуракун уулуна таянуу менен «Барометр» билдирет.

"Дагы эки ЖК депутатынан COVID-19 аныкталды. Ушуну менен төрт депутат, төрт аппарат кызматкери коронавирустан дарыланып жатат. ПЦР-тест тапшыруу иштери уланууда. Оорудан сак болуңуздар!" — деп жазган ал.

Эске салсак, буга чейин коронавирус аныкталган эки эл өкүлү Бишкектеги Республикалык жугуштуу илдеттер клиникалык ооруканасында дарыланып жатканы брифинг учурунда айтылган.