"Дөө Чыңгыз" каймана аттуу кримтөбөл кармалды

 Уюшкан кылмыштуу топтун мүчөсү "Дөө Чыңгыз" каймана аты менен таанымал Чыңгыз Жумагулов кармалды. Бул тууралуу УКМКнын маалымат кызматына шилтеме берип "Барометр" билдирет.

Маалым болгондой, 15-июлда Бишкек шаарынын аймагында уюшкан кылмыштуу топтун мурда издөөдө жүргөн мүчөсү, криминалдык чөйрөдө “Дөө Чынгыз” деген ат менен белгилүү Чыңгыз Жумагулов кармалды.

"Кармоо кылмыштуу топту уюштуруу, ошондой эле жеке ишкердик менен алектенген адамдардан системалуу түрдө өзгөчө ири өлчөмдө акча каражатын талап кылуу фактысы боюнча колдо болгон материалдардын алкагында жүргүзүлдү", -деп айтылат маалыматта.

Буга байланыштуу, анын мыйзамсыз аракеттеринен жабыркаган жарандар УКМК органдарына 0312640475 ишеним телефону аркылуу кайрылса болору эскертилди.