Бишкектин мэриясы айдоочуларга эскертүү берди

Бишкек мэриясы унааларды дарактардын түбүнө токтотпоо керектигин айдоочуларга эскертти. Бул тууралуу мэриянын басма сөз кызматынан кабарлашканын “Барометр” билдирет.

Аталган маалыматка таянсак, бир нече күн бою Бишкекте жаан-чачын жаашы күтүлүп жатат.

“Мэрия кырсыктарды алдын алыш үчүн айдоочулардан абайлоону, унааларды бутактары оор болгон дарактардын алдына токтотпоону өтүнөт”,-деп айтылат муниципалитет тараткан маалыматта.

Кулаган дарактар тууралуу маалыматтарды мэриянын колл-борборуна: 1840, 1850 номерлери байланышып билдирип же болбосо сүрөт жана видеолорду WhatsApp: 0554182185 номерине жөнөтсөңүз болот.