Бишкекте бүгүн гепатит оорусуна карата акысыз текшерүүдөн өтүүгө болот

Бишкекте бүгүн вирустук гепатит оорусуна карата акысыз текшерүүдөн өтүүгө болот. Бул тууралуу брифингде Республикалык вирустук инфекцияларды көзөмөлдөө боюнча илимий-практикалык борбордун жетекчиси Зуридин Нурматов билдиргенин “Барометр” маалымдайт.

Анын айтымында, бүгүн Бүткүл дүйнөлүк вирустук гепатитке каршы күрөшүү күнү белгиленип жатат.

“Көп адамдар В жана С гепатити менен ооруп жатышканын билбейт. Болгону аларда боордо физиологиялык өзгөрүүлөр, цирроз, рак оорулары башталганда гана билишет”,-деп айтты Нурматов.

Жетекчи текшерүүдөн саат 16.00гө чейин өтсө болорун кошумчалады.