Бишкекте 18 жаштагы жигитти поезд сүзүп кетип каза болду

Бишкекте 18 жаштагы жигитти поезд сүзүп кетти. Ал жакындап келе жаткан поезддин сигналын уккан эмес. Бул тууралуу Свердлов РИИБнин маалыматына таянып "Барометр" билдирет.

Маалым болгондой, кырсык 27-июнь күнү эртең менен темир жолдун Ауэзов менен Валиханов көчөлөрүнүн ортосундагы тилкесинде болгон.  

"Окуя болгон жерге Свердлов РИИБнин тергөө-ыкчам тобу барганда, алдын ала маалыматтар боюнча, 2004-жылы туулган К.Б.ны поезд сүзүп кеткен. Ооруканага жеткирилген жигит эсине келбей, алган жаракатынан улам каза болгон", -деп айтылат маалыматта.