Бишкек-Ош унаа жолунда газ ташып бараткан унаа оодарылып калды

Бишкек-Ош унаа жолунун 410-чакырымында газ ташып бараткан “Фредлайнер” үлгүсүндөгү оор жүк ташуучу унаа оодарылып калып жол 2 сааттан ашык жабылып калган. 

Окуя кечээ, 24-июнда болжол менен саат 8:20да болгон. Маалыматтарга караганда,  унаанын ичинде 20 тоннадай газ болгону айтылууда. Айдоочу 1967-жылкы А.Курманбек аттуу жаран катуу жааган жамгырдан улам рулду башкара албай калган. ӨКМнин  басма сөз кызматы билдиргенине караганда өрт чыккан эмес.