Бишкек-Нарын-Торугарт жолундагы кырсыктан 5 киши жана 4 жаш бала жаракат алды

Бишкек-Нарын-Торугарт унаа жолунда жол кырсыгы катталды. Бул тууралуу "Барометрге" КР ӨКМ басма сөз кызматы билдирди. 

Окуя кечээ, Нарын облусунун Кочкор районунда саат 11:55 чамасында Бишкек-Нарын-Торугарт унаа жолунун 173-чакырымында (Кувакы ашуусу) катталган. Анда «Honda Stepwgn» үлгүсүндөгү унаасынын айдоочусу рулга ээ боло албай, унаа жолдон чыгып ташты сүзгөн. 

Кырсыктын кесепетинен 5 адам жана 4 жаш балдар жеңил жаракат алышкан (1 эркек 1985-ж.т. жана 4 аял 1994-ж.т., 1969-ж.т., 1954-ж.т., 1954-ж.т.). 

КР ӨКМ №42 ӨКБ куткаруучулары жабыркаган жарандарга биринчи медициналык жардам көрсөтүшүп, тез жардам кызматкерлерине өткөрүп беришкен.