"Чоң-Капка-унаа жолуу" көзөмөл-өткөрүү пункту убактылуу жабылат

Бүгүн, 9-сентябрда саат 19:00дөн 21:00гө чейин "Чоң-Капка унаа жолу" бекетинде адамдардын, унаалардын жана жүктөрдүн өтүүсү убактылуу токтотулат. Бул тууралуу КР УКМКнын Чек ара кызматынын маалымат жана байланыш башкармалыгына шилтеме берип "Барометр" билдирет.

Чектөөлөр Тышкы миграцияны эсепке алуунун бирдиктүү системасынын техникалык базасын жаңылоого байланыштуу киргизилүүдө.

Мамлекеттик чек аранын кыргыз-казак тилкесинде жайгашкан башка өткөрүү пункттары штаттык режимде иштеп жатат.

Мамлекеттик чек аранын кыргыз-казак тилкесинде төмөнкү өткөрүү пункттары жайгашкан:

Талас районунда: 

«Чоң-Капка-унаа жолу»; 

Чүй облусунда: 

"Чалдыбар-унаа жолу", "Ак-Жол-унаа жолу", "Ак-Тилек-унаа жолу", "Кең-Булуң-унаа жолу", "Токмок-унаа жолу"; 

Ысык-Көл областында: 

«Каркыра-унаа жолу».

КР УКМКнын Чек ара кызматы мамлекеттик чек араны кесип өткөн жарандардан каттамдарын алдын ала пландап алууну суранат.