Баткендеги каналдан эркек кишинин сөөгү табылды

Баткен областынын Кадамжай районундагы Марказ айылындагы каналдан эркек кишинин сөөгү табылды. Бул тууралуу бүгүн, 14-сентябрда Өзгөчө кырдаалдар министрлигинин басма сөз кызматынан кабарлашканын “Барометр” маалымдайт.  

Аталган кабарга таянсак, бүгүн болжол менен саат 07:50дө ӨКМнын 102 кызматына Жайылма каналынан 40-45 жаштар чамасындагы эркектин сөөгү табылганы тууралуу маалымат түшкөн. Каза тапкан адамдын өздүгү такталууда.

Окуя болгон жерге үч куткаруучу барды, алар каза тапкан адамдын сөөгүн алып чыгышып, милиция кызматкерлерине өткөрүп беришти.